U3F1ZWV6ZTQxMTg3NTE2NTMzODk2X0ZyZWUyNTk4NDY0Njk0OTYzNA==

خفايا و رموز فيلم باتمان ضد سوبرمان.

اقسام الموضوع:



فى المقال ده هنحاول نطلع كل الايستر ايجز و الرموز فى فيلم Batman V Superman.
اللي يعتبر من احلى افلام السوبرهيروز و المرتبة الاولى لناس كتير...و اهوه نصبر بيه نفسنا لحد ماتنزل نسخة زاك سنايدر لجاستيس ليج.

1) الحفله اللي عملها ليكس لما بروس وين قابل فيها كلارك كينت اول مره في مشهد سريع شويه بان فيها 2 طباخين ماسكين كيك علي شكل مبني الكونجرس اللي اتفجر لما راح سوبرمان .. بكده ليكس كان مخطط للي هيحصل لسوبرمان و اللي تقريبا حصل زي ما كان مخطط
2)"سُقوط بروس وِين وَ مِيلاَد بَاتْمَان"
تعمد المخرج زاك سنايدر انه يبين في كادر الفلم بات مان و هو بيقع من مكان عالي ل مكان تحت مظلم ظهرت في مشهدين "مشهد خنافته مع سوبرمان و مشهد افتتاحيه الفلم" اشاره منو ان باتمان في سقوط متكرر كل مره حاله باتمان بتزداد ظلاميه و شر و ان يبان في كادر الفلم انو بيسقط في مكان ظلامي ديه اشاره لمدى الظلامية اللي وصلها مره لما كان صغير و دخوله في مرحله انو هيحارب الجريمه ، و مره و هو باتمان بعد ما روبن مات و بقى بيقتل في مشاهد جميله بانت لينا فيها النفس البشريه لما تتعرض ل انكسار و هزيمه و احساس بالضعف ..
3)إشارة لِ جُملة "The God Is Dead" أو "الإله مات"
الي قالها "Friedrich Nietzsche"
الجُملة في الأساس مُش بِمعناها الحَرفي إن الإله مات، الإله مُش بيموت المَفروض هِنا المَقصود بالكلام إن الناس اللي بتُذنب الإله بالنِسبالها مَيت
مُش خايفين مِن عِقاب رَمزيتُه بالنسبة للي في الفيلم إن "ليكس لوثر" كان عَايز "سوبرمان" يموت "الإله يموت"
بس مش زي اللي حصل
بِمعنى إن "ليكس لوثر" مكانش عايز "سوبرمان" يموت بالطريقة اللي حَصلِت في الفيلم، كان عايزُه يقتُل "باتمان" الأول
و يموت على إيد مَخلوق مِن نَفس كَوكَبُه الي هوَ "دوومزداي"
فَبِالتالي نَظرِة الناس ليه تِسقَط، بِالرُغم مِن اللي حَصل بيخلص الفلم بمَشهَد عظيم و "ليكس لوثر" بيقول"
"Ding Dong The God is Dead.."
4)اقتباس من كادر فلم BvS ل لوحة the bath سنه 1867 ل Alfred stevens في المشهد ده لويس سألت سؤال مهم جدا .. ايه دورها بالنسبه لسوبرمان في حياته?? ..
5)لما اجي اكلم عن ليكس لوثر من فلم bvs ف انا مش بتكلم عن شخصيه في الفلم او جزء من الفلم انا بتكلم عن احداث الفلم كلها .. حرفيا ليكس مخطط لكل حرف من أحداث الفلم و رمزيته تكمن انو "فيلسوف ناقِم" بمعني ان الفيلسوف لو بيكره معتقدات المجتمع او العالم و بيكره السلطه الأعلى"الإله" ف هتلاقيه ليكس.. ده غير عقده النفسيه بالنسبه لابوه و ان مكانش في حد بينقذه لما بيضربه و منطقه في انو لما فجر مبنى الكونجرس ف هو مقتلش ناس بريئه و بس هو كمان قتل المساعده بتاعته بسبب انها عرفت اكتر من اللازم .. ليكس الفلم ده فكرني ب watchmen في ان الmain villain للفلم يكسب في الاخر ... لو لاحظت هتلاقي ان الهدف الاساسي ليه كان ان سوبرمان يموت بيخلص الفلم و سوبرمان ميت .. عظمه الشخصيه بتعلى جدا لما تسمع الموسيقى بتاعتها للعظيم هانز زيمر ، الموسيقى بترمز لموسيقه Mozart "هسيب لينكها تحت" requiems لو هتلاحظ كم الشبه بينها و بين the red capes are coming ، ف هيا حتى لو شبها بنسبه معينه فكان مقصود انها تبقا شبهها, موسيقى Requiem مرتبطه ب الموت او الجنازات او الحداد .. بنهايه الفلم ف فعلا كان لازم موسيقى ليكس تبقا كده ..
6)رمزيه سوبرمان من فلم BvS ل لوحه carrying the cross ل Giovanni battist tiepolo سنه 1738 في الكادر اللي في الفلم تقدر تشوف الناس اللي على السفينه اللي بيشدها سوبرمان ده غير كم التفاصيل اللي في المشهد اللي بتبين "آلام" سوبرمان من تعذيب الناس ليه سواء بالكلام او بالنظريات اللي بيخترعوها علشان يبررو لنفسهم وجوده وسطهم .. لو حد فهم انا اقصد ايه ف هيا محاكاه لقصه الصوره اللي بيُرمز اليها .. المشهد عامتا بيبين حاجه مهمه جدا بيحاول مخرجها يبين للناس ان البشر حتى لو بينهم سوبرمان هيحاولو ينفروه او يبينو انه غلط او شرير او تهديد ليهم لانهم ببساطه hate what they don't understand ..
7)في المعركه الاخيره من فلم BvS و في المشهد اللي اي DC فان لازم يعشقه زاك سنايدر يقتبس لوحه "كسر موسى للوصايا العشر" بطريقه جميله في الفلم ..
في ناس ممكن تفتكر ان ديه مبالغه و ان دين حاجه عاديه بس ان فيلم كوميك بوك و في معركه بين اتنين سوبرهيروز زي باتمان و سوبرمان يبقا فيها تركيز على سيمبيولزم زي ديه لازم تُحترم بصراحه لان عامتا بيبقى اقصى طموحنا في فيلم كوميك بوك انو ياخد من الكومكس .."زاك عمل الإتنين"
8)فلم bvs مشاهده بتمتاز بإن فيها symmetry و غالبا بتبقا بين الخير و الشر او بين بطلين الفلم .. اللي لفت نظري المره ديه ان زاك بين في 4 مشاهد symmetry بين ورده و رمح الكريبتونايت الاول كان في مشهد لويس لاين و كلارك المقتبس من لوحه the bath 1867 ل Alfred Stevens و مشهد لما كانت ماسكه رمح الكريبتونايت .. ومشهد حلم بروس وين و كانت لقطه جميله جدا و المشهد العظيم بتاع باتمان و هو ماسك الرمح و رِجله على سوبرمان اقتباس ل لوحه Michael and satan 1636 ل Guido reni ..



***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة