U3F1ZWV6ZTQxMTg3NTE2NTMzODk2X0ZyZWUyNTk4NDY0Njk0OTYzNA==

ديك جرايسون, الروبن الاول و نايتوينج

اقسام الموضوع:

1) Dick Grayson
في ابريل عام 1940 ظهرت شخصية Robin في الكوميكس بالتحديد في العدد 38 من كتاب كوميكس اسمه Detective Comics
ديك كان طفل يعمل مع والديه في سيرك تحت حماية زعيم مافيا اسمه Tony Zucco .... في يوم جاء مساعدينه لمالك السيرك يطالبوه بفلوس الحماية و حدثت مشاجرة بينهم مما ادي لحادث في عرض والدي ديك ، ليري ديك والديه امامه يفارقان الحياة – طبعا واضح جدا كأننا بنحكي قصة Batman – اراد ديك بعدها الذهاب للشرطة والابلاغ عن زعيم العصابة لكن بالتاكيد يرفض Batman ذلك و ينصحه بعدم فعل هذا خوفا علي حياته ، ليطلب ديك من Batman ان يرافقه ويكون مساعده .... Batman خاف علي ديك ان يقع ضحية غضبه وحزنه و حاول انه يقود غضبه و حزنه لشئ مفيد (( نظرا لتشابه ظروف الحادث بينهم )) ، وبالفعل بعد تدريب و اعداد ظهر Robin كمساعد Batman في القضاء علي الجريمة و بالفعل قدروا يلقوا القبض علي Tony zucco زعيم المافيا .... بس ترجوا الاشادة ان العلاقة بينهم كانت اقرب لعلاقة بين اب وابنه و ليس كمساعد .
في الفترة بين 1940 ل 1950 ظهر Robin بصورة مستمرة في الكوميكس مع Batman و لكن في الفترة من 1947 ل عام 1952 بدأ Robin يظهر في كوميكس جديدة باسم Star-Spangled Comic بعيدا عن Batman .
عام 1964 في العدد 54 من كتاب كوميكس باسم The Brave and the Bold ظهرت the junior justice league اللي كانت بتضم Robin ... في عام 1980 اصبح ROBIN هو قائد ال league اللي كانت طبعا اتسمي ب Teen Titans .
في يوليو من عام 1984 ينتهي رسميا ديك من دور Robin في العدد ال 44 من كوميكس بوك باسم Tales of the Teen Titans
عشان يبدأ ديك فصل جديد في حياته عن طريق انه يكون Nightwing بعد ان اراد ديك انه ينفصل عن و Batman يكون ليه مستقبل مخصص و منفصل .. وطبعا ده شئ مستحيل في عالم DC ، ديك اضطر في كتير من الاوقات يرجع للعمل مع Batman ، ليس هذا فقط بل اضطر في بعض الاوقات انه يقوم بدور Batman في الوقت اللي بروس بيكون مصاب فيه كما حدث في مجموعة قصص مصورة نشرت في عام 1993 و 1994 باسم Knightfall قام فيها Bane بكسر ظهر Batman فاضطر ديك يكون بديل بروس الي ان يستعيد صحته و غيرها من المواقف ....
لكن الموقف الاهم والابرز كان بعد احداث Final Crisis اللي فيها وفاه بروس واين عشان ديك ياخد مكانه ويكون هو Batman الجديد و يكمل عمل بروس في تطهير جوثام بالاضافة للعمل مع Justice League!
تنتهي كل هذه الاحداث في حملة اعادة النشر و الاحداث الخاصة ب DC في THE NEW 52 عام 2011
(( الحمد لله الصراحة ))
اصبح بروس واين هو Batman الوحيد و رجع ديك تاني ك Nightwing للعمل مع Teen Titans واحيانا للعمل مع Batman ولكن مش بصورة اساسية او مستمرة .
مهاراته بقي : ديك اتقن العديد من فنون القتال زي مثلا الكاراتيه و الكينغ فو و طرق النينجا و الجودو و البوكس و غيرها من مهارات الاشتباكات ... ديك اتقن العديد من اللغات زي مثلا : الالماني والفرنساوي والروسي و الاسباني و الفارسي و الياباني و الايطالي و لغية الاشارة و غيرهم برضو ... ديك برضو اتقن فن التخفي و التجسس واتعلم من افضل محقق علي الارض (( Batman )) فاصبح من الطبيعي جدا انه يكون برضو محقق علي قدر علي من الذكاء ... ديك ايضا اتعلم لغة الجسد و توقع حركات الخصم بجانب كل ده ديك اتولد كرياضي نظرا لعيمله مع اهلي في طفولته في السيرك فهو افضل لاعب Acrobatics موجود علي الارض ... وبكده نكون خلصنا اول Robin

***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة