U3F1ZWV6ZTQxMTg3NTE2NTMzODk2X0ZyZWUyNTk4NDY0Njk0OTYzNA==

عَن الفيلم العظيم "باتمان ضد سوبرمان"

اقسام الموضوع:



ال 3 افلام دول اول ما نزلو تلقو نقد شديد وانقسام في الاراء وبعد فتره نزلهم نسخه المخرج الكامله.
فيلمين منهم نزلو زمان وهما The shining و Blade runner و الناس حاليا بتعتبرهم من الأفلام اللي لازم تتشاف وانهم من الكلاسكيات بعد ما كانو بيتلقو نقد شديد زمان.. والدليل علي كده نجاح الجزء التاني من Blade runner.
و BvS رغم كونه فيلم كوميكس ومش في فئه مماثله للفيلمين دول إلا اني كل مره بتفرج عليه بكتشف حاجه جديده سواء جمله ليها علاقه بدافع شخصيه مكنتش خدت بالي منها او ايستر ايج او رمزيات في الفيلم..إلخ
فعلشان كده واثق انه قدام بعد سنين هيتم تقبله بشكل اكبر من الناس زي الفيلمين اللي في الصوره وزي Watchmen برضه.


مبقولش انه اعظم فيلم في الدنيا يعني إلا انه مش اسوء فيلم في الدنيا علشان يتلقي النقد ده كله .. يعني عادهً الفيلم الوحش بيتم انتقاده فور نزوله وبعدها الناس بتنساه وتتجاهله لأن الوضع واضح انه وحش..إلا ان BvS لحد يومنا هذا بعد قرب 4 سنين من نزوله وفي لسا ناس بتتناقش فيه ولسا في ناس بتتكلم عنه.

في Man Of Steel
مارثا كينت نصحت كلارك إنه يركز حواسه على حاجة معينة علشان ميتشتتش في العالم ده
وفي BvS
كان تقريبا أغلب العالم ضده ..
فلقى الحل في آخر الفيلم انه يركز كل تعلقه بالعالم للويس لاين لانها اللي كانت بتحبه من اول ما عرفته.
و لما قابل جوناثان في الحلم حكاله انه كان وهو صغير في زي فيضان بيهدد مزرعتهم ولكن وقفوه وساعتها جدته احتفلت ببه وقالتله انه بطل وكان فاكر انه كده صلح بيها الوضع فحين هي أذت ناس تانيه الفيضان جه عندها ساعتها فضل يجيله كوابيس.. فسأله كلارك والكوابيس دي إنتهت؟ جاوبه جوناثان : اه لما قابلت والدتك .. إديتني أمل في العالم ده ..كانت هي عالمي.
علشان كده كانت لويس هي الدافع اللي خلاه يضحي بنفسه للعالم .. رغم كل الألم اللي تعرضله وكل والاتهامات اللي تعرضلها من البشر .. إلا ان لويس اديتله امل في العالم فكانت هي عالمه .. وكانت هي فعلا المفتاح زي ما فلاش قال.
التماثل في BvS :
الفيلم كان في كذا مشهد بيوضحوا اختلافات بين الشخصيتين الاهم في DC
ولما تكون المشاهد دي ورا بعض علطول بيكون ليها تأثير اقوى.
مثلا مشهد سوبرمان وهو بيتخيل انه بيكلم والده جوناثان كينت اللي حكاله قصه شبيهه بالمعاناه اللي بيعيشها وكتبنا عن المشهد قبل كده وعلاقته بتضحيه سوبرمان .. و من كتر رغبه كلارك في التخلص من معاناته بيسأله وهل الكوابيس اختفت؟ ساعتها بيقوله جوناثان انها اختفت لما شاف والدته وده اللي خلى كلارك يمثل عالمه كله في لويس علشان يتخلص من معاناته.
بعد المشهد ده علطول بييجي مشهد لبروس وهو بيكلم الفريد اللي يعتبر الشخص اللي رعى بروس وهو صغير.. الفريد بيقوله ان قرار مواجهته لسوبرمان قرار انتحاري نظراً لصعوبه المواجهه .. رد عليه بروس ان في يوم والده كلمه في نفس مكانهم هنا وعرفه ايه اللي الجيل الأول للعائله بنوا ثروتهم عليه .. وهو التجاره في الجلود مع الفرنسيين .. بمعني انهم كانو صيادين كرد ان اللي بيعملوا كباتمان مش اول مره تحصل من العيله وانه مش قرار انتحارى زي ما قالوا الفريد.
التماثل في المشهدين انهم للبطلين مع الشخص اللي اهتم برعايتهم في مناقشه لمشاكلهم.
المشهد التاني مشهد السجن اللي بنشوف فيه سجين سوبرمان بيطلع بكفالة دفعها ليكس وسجين باتمان بيترمي وسط باقي السجناء رغم انه قال للظباط انه هيتقتل بسبب علامه باتمان اللي بيعلم بيها المجرمين اللي بيواجهم .. علشان في الاخر يتقتل.
شخصيه ليكس لوثر في Batman v Superman كانت من اسباب الجدل حوالين الفيلم ولكن الشخصيه بالنسبالي كانت من الفيلانز المفضلين عندي.
ليكس دافعه وخطته كلها بتبان في مشهد مهبط الهيليكوبتر لما ليكس بيقوله انه زي الالهه لقوته وانه وهو صغير مكنش في الاله اللي ينقذه من ضربات ابوه و ده ليكس فسره بحاجتين انه يأما الاله كان طيب لكن مكنش عنده القوه انه ينقذه او كان عنده القوه ولكن مانقذوش لانه مكنش طيب كفايه
"If God is all powerfull he cannot be all good and If he is all good then he cannot be all powerfull and neither can you be .. they need to see the frage-(fragile) you are .. and tonight my friend they will"
خطه ليكس كانت انه يثبت للناس اللي عظمت من سوبرمان انه لا هو قوي ولا هو طيب ولا هو إله .. اثبتلهم انه مش طيب بحادثه القريه الافريقيه اللي تم اتهامه فيها وزادت الشكوك لما المبني انفجر وسوبرمان جواه .. واثبتلهم انه مش قوي بأنه خلاه يواجه باتمان واتهزم و واجه دوومزداي واتقتل.
وكل ده لأن في حوار ليكس في حفلته بان انه عنده عقده من الالهه زي زويس برضه لانه شايف انه عنده العلم ويستحق النظره اللي العالم بيبصها لاصحاب القوي زي سوبرمان.. ورغم انه اتقبض عليه في اخر الفيلم الا انه عرف ينفذ خطته.


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة