U3F1ZWV6ZTQxMTg3NTE2NTMzODk2X0ZyZWUyNTk4NDY0Njk0OTYzNA==

مُلخص وتغطية حدث ومؤتمر DC Fandome

اقسام الموضوع:



 المُلخص الكامل والشامل لمؤتمر دي سي فاندوم وأهم النقاط المهمة التي تم ذكرها!

مُلخص البانلز وللإعلانات:

بانل فيلم وندرومان 1984 :

  • الكاست إتناقشوا مابينهم عن الفيلم وعن العدوة شيتا وتأثيرها على وندرومان و"ليندا كارتر" أول من مثلت وندرومان ظهرت فجأة كضيفة شرف وإتناقشوا وإتكلموا عن الشخصية والفيلم، وبعدها إتعرض الترايلر وشوفنا شكل شيتا والي هو يُعتبر جيد نوعًا ما.

بانل مسلسل ساندمان:

  • مسلسل ساندمان هيتعرض على نيتفلكس بتاريخ غير معين ونيل جايمان إتكلم كتير عن ساندمان وقصصه مع طاقم العمل وقال إن المسلسل هيكون قصة جديدة وأوريجنال وفريدة من نوعها لكن القصة مازالت هتتمسك وتلتزم في أساس الكوميكس.

بانل المالتيفرس ١٠١:

"جيم لي" و "والتر هامادا" وبعض الأشخاص إتكلموا عن فيلم فلاش ومستقبل المالتيفرس وعوالم دي سي ودي أهم النقاط:

  • كل أفلام وأعمال دي سي متواجدة في كون واحد والفكرة هتتوسع بعد فيلم ذا فلاش.
  • ظهور "إيزرا ميلر" في الكرايسيس في الأرروفيرس فتح مجال كبير لعمل الكروس أوفرز مابين الأفلام والمسلسلات.
  • تم التأكيد على إن شخصية باري آلين من "إيزرا ميلر" إستلهمت فكرة إسم ولقب "ذا فلاش" بعد المقابلة الي حصلت مع شخصية باري آلين من "جرانت جاستن" وقت الكروس أوفر الي حصل مابينهم.
  • فيلم ذا باتمان في عالم لوحده وأرض جديدة مستقل بيه، و"مات ريفز" عنده خطط لتوسيع العالم الجديد أكبر وأكبر.
  • المالتيفرس بتفتح فرص كبيرة للأعمال المستقل ومش هتلتزم بإستمرارية زمنية واحدة، كُل فيلم أو سلسلة ليها إستقلاليتها الخاصة.
  • "والتر هامادا" أكد على وجود مشاريع مستقبلية بتخص أفلام الElsworlds مثل الجوكر وخُطط المخرجين وإبداعهم المستقل المميز.

بانل فيلم ذا فلاش:

  •  السكرينبلاي من كتابة "كريستينا هودسون"
  •  في أفكار حماسية وجديدة من نوعها للسبيد فورس هيقدمها مُخرج الفيلم.
  •  إتعرض كونسيبت آرتس لبدلة فلاش والي هيصنعها باتمان أفليك وتم التأكيد مرة تانية على إن بين أفليك ومايكل كيتون هيظهروا.
  •  الفيلم هيبدأ المالتيفرس والأكوان كلها وهو نقط البداية.
  • التناغم مابين طاقم العمل في فيلم ذا فلاش كان ممتع جداً وكان من أمتع البانلز في الحدث.

بانل فيلم سوسايد سكواد:

  • تم الإعلان عن الممثلين وأدوارهم.
  • البوستر الرسمي الأول للفيلم إتعرض وشكله عظيم.
  • البانل كان ممتع جدًا والكيميستري مابين الممثلين كان لطيف جدًا.
  • إتعرض BTS صغير للفيلم وشكله كان ممتع جدًا.
  • في شخصية بالفيلم هتكون مسجونة لأنها أطلقت النار على سوبرمان.

إتكلم المخرج جيمس جان عن حاجات كتير عن الفيلم وأهمها:

  • ‏سويسايد سكواد هو اكتر فيلم إستمتع بإخراجه.
  • هارلي كوين هي أكثر شخصية إتحمس للكتابة عنها و ليها بدلة جديدة .
  • الفيلم فيه مؤثرات خاصة بتساوي كل المؤثرات الي في افلام مارفل كلها حسب كلام منفذ المؤثرات الخاص بالفيلم .
  • شريره المفضل في الكوميكس هو Bat mite !
  • ‏الفيلم مش هيكون تكملة للجزء الأول الي أخرجه دايفيد أيير.

بانل فيلم الجاستس ليج - السنايدركات🔥:

بعد إنتظار 3 سنين وأخيرًا النسخة ظهرت للنور، "زاك سنايدر" إستقبل وجاوب على أسئلة المعجبين وإتكلم مع الكاست الخاص بالفيلم ودي أهم النقاط:

  • زاك سنايدر قال إن أفضل بطل خارق برأيه هو دكتور مانهاتن.
  • زاك سنايدر قال إن سايبورج (راي فيشر) هو قلب الفيلم، وهو مُتحمس لأن الشخصية تتجسد بالكامل.
  • زاك سنايدر عندُه حب كبير لشخصية فلاش وصرح إننا هنشوف شيء جديد كُليًا من الشخصية، شخصية فلاش هتكون ليها علاقة بالكوانتم وممكن نشوفه بيلعب وبيجرب بالزمن.
  • جاستس ليج هيكون مُسلسل محدود مُكون من 4 حلقات وكُل حلقة ساعة وهتنزل حلقة كل اسبوع.
  • زاك سنايدر وعد الفانز إن الفيلم هيوصل لكل البلدان الي HBO MAX مش بتتعرض فيها.

وبعدها التيزر الترايلر إتعرض وكان عظيم جدًا ومُحمس لأقصى درجة.

بانل فيلم بلاك آدم⚡️🖤:

  •  اللوجو الأصلي تم الكشف عنه وإتعرض إعلان أنميتد صغير وكونسيبت آرتس للشخصيات والفيلم هيتعرض في شهر ديسمبر سنة 2021.
  •  هاوكمان - آتوم سماشر - دكتور فايت - سايكلون، كُلهم هيظهروا في الفيلم كأعضاء ال JSA وبلاك آدم هيحاربهم وهيكون مُتمسك بمبادئه وأفكاره.
  •  إحتمال كبير نشوف مواجهة مابينه وبين سوبرمان، وذا روك صرح إن بلاك آدم بيمثل خطر ضخم قدام الجاستس ليج.

بانل مسلسل تايتنز:

  • جاسون تود هيتحول لشخصية ريد هود.
  • باربرا جوردان (باتجيرل) هتظهر.
  •  شخصية الفزاعة هتظهر.

بانل فيلم أكوامان 2:

  • باتريك ويلسون إتكلم عن صعوبة التمثيل والعمل تحت ظل الCGI لأنه مُجبر إنه يتخيل كل حاجة وهو شغال.
  • جايمس وان صرح إن الجزء التاني هيكون جدي أكتر ومودرن وبيناسب العالم الحالي وهنشوف مُدن جديدة وعوالم جديدة في البحر أكتر في فُرص كتير للأبداع
  • أوشن ماستر هيظهر في الجزء الثاني لكنه مش هيبقى الشرير الرئيسي.

بانل فيلم شازام:

  •  الممثلين كلهم ظهروا وإتكلموا عن سيكويل شازام.
  • الإسم الرسمي للجزء الثاني من الفيلم هيكون: SHAZAM: FURY OF THE GODS

بانل فيلم باتمان🦇:

مات ريفز صرح بحاجات كتير جدًا وهنلخصها في بوست منفصل لوحده.
إتعرض التيزر ترايلر وكان عظيم جدًا ومميز وفوق الوصف والفيلم لسا ب25 بالمية من الإنتاج.
وأعلن عن وجود مسلسل لشرطة جوثام وهيكون في السنة الأولى من بدايات باتمان، وفيلم باتمان هيكون في السنة الثانية.

  • تم الإعلان عن لعبة GOTHAM KNIGHTS
  • إتعلن عن لعبة جديدة للسوسايد سكواد إسمها هيكون : SUICIDE SQUAD: KILL THE JUSTICE LEAGUE
  •  جيم لي صرح وأعلن عن سلسلة جديدة لباتمان في الكوميكس وإن شخصية جديدة سمراء البشرة هتحل محل باتمان في والسلسلة هتأثر بشكل كبير على عالم دي سي.
  • تم الإعلان على إن فرع مايلستون الخاص بالكوميكس هيعود للنشر من جديد.

المؤتمر هيتم إستكماله في يوم 12 سبتمبر وهيكون متمحور حول المسلسلات والكوميكس والأنميشين، وبإذن الله هنغطيه كُله ليكم.

إنضموا لجروبنا: The DC Corps

تابعونا على تويتر: https://twitter.com/TheDcCorps

تابعونا على الإنستجرام: www.instagram.com/thedccorps


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة